Agnelli og aðrir stjórnarmenn Juventus sögðu af sér í nóvember þegar lögreglurannsókn hófst vegna kaupa félagsins.

„Evrópskur fótbolti þarf á nýju kerfi að halda," sagði Agnelli.

„Hætta er á að ein af deildunum verði innan fárra með mikla yfirburði og laði að sér alla hæfileikaríkustu menn innan evrópska fótboltans. Hinar deildirnar verða þá algjörlega jaðarsettar og þessi þróun er farin að gerast."

Í apríl 2021 voru hugmyndirnar um stofnun Ofurdeildar opinberaðar en þær hrundu á innan við 72 klukkustundum. Níu félög höfðu þá dregið sig út vegna mótmæla stuðningsmanna og andstöðu fótboltasambanda.

Juventus, Barcelona og Real Madrid drógu sig aldrei út og eru enn hlynnt hugmyndum um að kljúfa sig frá deildum í sínum heimalöndum og ganga í sérstaka Ofurdeild.