Ótrúlegur lokakafli varð á leik PSG og Saint Etienne í frönsku Ligue 1 í dag. Staðan var markalaus eftir 77 mínútur en þá skoraði varamaðurinn Denis Bouanga fyrsta mark leiksins fyrir gestina í St. Etienne.

Kylian Mbappe svaraði fyrir PSG strax mínútu seinna og skoraði svo úr vítaspyrnu á 87. mínútu.

Gestirnir jöfnuðu svo á annarri mínútu uppbótartíma með marki frá Hamouma en varamaðurinn Mauro Icardi kom heimamönnum til bjargar á fimmtu mínútu uppbótartíma eftir undirbúning frá Angel Di Maria.

PSG er í 2. sæti deildarinnar, stigi á eftir Lille sem er með 70 stig. Fimm umferðir eru eftir af deildinni. Mónakó og Lyon eru svo í 3. og 4. sæti.