Fótbolti.net

Katla: Er alltaf að segja henni að koma og spila með íslenska landsliðinu

Sölvi Geir: Skotmarkið á okkur er stærra og við þurfum að gera meira

Arna Eiríks klár í slaginn: Ekki alveg þessi týpísku meiðsli

Gísli Eyjólfs: Hefði verið rómantík að fá að enda ferlana saman

Spáin kom Sigga á óvart: Eina sem þetta gerir er að henda bensíni á klúbbinn

Haraldur Freyr: Ætlum að ná í sigur í Frostaskjóli

Jói Kalli: Spurning hvort það verði Landeyjahöfn eða Þorlákshöfn

Ísak nýr fyrirliði FH: Var einn af þeim yngri en orðinn einn sá elsti

Kosinn bestur fyrir mót - „Stoltur og pínu kitl að leikmenn kjósi mann"

Hemmi segist elska Brazell - „Alltaf eitthvað blaður og bull“

Álitið - Hver fer í agabann?

Þrjú slit og fimm aðgerðir á milli marka - „Maður er svolítið eins og krakki aftur"

Bestur í Mjólkurbikarnum: Ferðalagið viðbjóður en er enginn sjómaður

Fer yfir leikinn sögulega - „Veit ekki hvað Jói Kalli hefði gert væri hann þarna“

Álitið - Hvað mun koma mest á óvart?

Ægir Jarl ræðir heimkomuna - „Kitlar rosalega að ná að spila“

Gunnar Már: Ætlum okkur stóra hluti í sumar

Arnór Ingvi: Hefðum viljað spila á Meistaravöllum og fá smjörþefinn af því sem koma skal

Óskar Hrafn: Leggst yfir okkur hræðsla sem við höfum ekki fundið fyrir í vetur

Frammistaðan ekki áhyggjuefni - „Skal hundur heita ef það verður skorað flottara mark í sumar“

fim 18. júlí 2024 22:23

Stefán Marteinn Ólafsson

Aron Snær: Að einhver blaðra sé sprungin er mjög þreytt

Aron Snær Friðriksson markvörður Njarðvíkur

Mynd: Fótbolti.net - Eyjólfur Garðarsson

Njarðvíkingar tóku á móti Leiknismönnum á Rafholtsvellinum í 13.umferð Lengjudeildarinnar í kvöld.

Njarðvíkingar voru fyrir leikinn ekki búnir að vinna í síðustu fjórum leikjum sínum en þeim tókst að komast aftur á sigurbraut í kvöld.

Lestu um leikinn: Njarðvík 3 - 2 Leiknir R.

„Hrikalega gott að komast aftur á sigurbraut eða ná í þennan sigur. Þetta er ekki búið að vera detta fyrir okkur í síðustu leikjum finnst mér. Mér finnst við ekkert endilega hafa spilað eitthvað hræðilega en bara fínt að fá 'reset' og fá sigur." Sagði Aron Snær Friðriksson markvörður Njarðvíkinga eftir leikinn í kvöld.

Njarðvíkingar voru ekki búnir að vinna í síðustu fjórum leikjum sínum í deildinni fram að leiknum í kvöld og var mikilvægt að ná að komast aftur á sigurbraut og sækja gott sjálfstraust aftur.

„Það er mjög mikilvægt. Það er töluvert skemmtilegra í fótbolta þegar þú vinnur. Í síðustu leikjum vorum við svo sem ekkert með lítið sjálfstraust. Við fengum 19 hornspyrnur á móti Dalvík og vorum með mikla yfirburði í leiknum. Datt ekki fyrir okkur hérna á móti Grindavík þannig við erum búnir að vera að gera réttu hlutina finnst mér en ekki alveg verið að detta fyrir okkur sem það gerði í dag og við vorum bara nokkuð heppnir að halda út á köflum."

Þrátt fyrir smá misstig í síðustu umferðum halda Njarðvíkingar í 2.sæti deildarinnar.

„Við gerðum bara vel í upphafi tímabils og meginþorrann af tímabilinu erum við búnir að gera mjög vel. Mér finnst við bara eiga að vera þarna uppi og að einhver blaðra sé sprunginn er mjög þreytt, eins og ég sagði þá erum við búnir að vera mjög góðir en bara óheppnir. Við þurfum bara að halda áfram að vinna leiki og vera þarna uppi eitthvað."