Daniele Bonera, fyrrum leikmaður AC Milan og núverandi partur af þjálfarateymi Stefano Pioli, mun vera á hliðarlínunni er Milan mætir Napoli um helgina.
Hinn 39 ára gamli Bonera spilaði rúmlega 200 leiki á tíma sínum hjá Milan. Hann var miðvörður að upplagi og fékk því lítið af tækifærum með ítalska landsliðinu enda samkeppnin afar hörð.
Milan hefur farið vel af stað á nýju tímabili undir stjórn Pioli en þjálfarinn er með kórónuveiruna og getur því ekki verið viðstaddur stórleikinn um helgina.
Milan er á toppi Serie A með 17 stig eftir 7 umferðir. Napoli er með 14 stig.
Athugasemdir