HK mætti Keflavík í gær í Fótbolti.net mótinu. Leikið var í Kórnum og mátti sjá tvö óvænt nöfn á skýrslu HK.
Kristófer Óskar Óskarsson og Þorbergur Þór Steinarsson léku með HK en þeir eru ekki skráðir í félagið.
Kristófer Óskar Óskarsson og Þorbergur Þór Steinarsson léku með HK en þeir eru ekki skráðir í félagið.
Kristófer er uppalinn í Fjölni en samningur hans við félagið rann út eftir síðasta tímabil. Hann lék á láni frá Fjölni hjá Aftureldingu síðasta sumar. Þar skoraði hann átta mörk í sextán leikjum.
Þorbergur er Bliki sem leikið hefur með Augnabliki síðustu tvö sumur. HK getur fengið báða leikmennina á frjálsri sölu þar sem Þorbergur er einnig samningslaus.
Leikurinn í gær endaði með 3-5 sigri Keflavíkur og skoruðu þrír leikmenn tvennu í leiknum.
Athugasemdir