„Eiríkur er stór, sterkur og mikill markahrókur og hefur leikið með okkur í Kjarnafæðismótinu og sýnt fína takta og skorað nokkur mörk," segir á Facebooksíðu Hattar/Hugins.

„Við væntum þess að hann slaki ekkert á í markaskoruninni og hjálpi liðinu við að ná árangri í sumar."

Sóknarmennirnir Ivan Bubalo, Ignacio Martinez og Knut Erik Mykleburst eru allir farnir frá Hetti/Hugin frá síðasta tímabili en liðið endaði þá í 6. sæti í 3. deildinni.

Auk Eiríks á spænski sóknarmaðurinn Fernando Garcia Castellanos og rúmenski sóknarmaðurinn George Razvan Chariton að hjálpa til við að fylla skarðið sem þessir leikmenn skilja eftir sig en þeir sömdu báðir við Hött/Huginn fyrr í mánuðinum.