Síðari leikur dagsins í ensku úrvalsdeildinni er Lundúnarslagur en þar mætast Tottenham Hotspur og West Ham United.
Tottenham er í fimmta sæti deildarinnar en með sigri í dag getur liðið farið upp fyrir Newcastle og í það fjórða en Newcastle tapaði gegn Liverpool í gær. Tottenham steinlá gegn Leicester City í síðasta deildarleik sínum.
Tímabilið hjá Hömrunum hefur verið vonbrigði til þessa en liðið er í fallsæti. West Ham hefur gert jafntefli í síðustu tveimur leikjum sínum en þau komu gegn Newcastle og Chelsea. Sætið hjá David Moyes er orðið heitt en hann fékk að eyða töluvert á félagsskiptaglugganum síðasta sumar.
Antonio Conte verður ekki á hliðarlínunni en hann er að jafna sig eftir aðgerð. Cristian Stellini stýrir liðinu í dag.
Það eru þrjár breytingar á liði Spurs en Heung-Min Son fer á bekkinn og inn kemur Richarlison.
Ben Davis kemur inn fyrir Ivan Perisic og Pierre-Emile Hojbjerg tekur sæti Pape Sarr.
David Moyes gerir tvær breytingar á byrjunarliði West Ham frá síðasta leik. Tomas Soucek og Flynn Downes koma inn fyrir þá Said Benrahma og meiddann Lucas Paqueta.
Tottenham: Forster; Romero, Dier, Lenglet; Royal, Hojbjerg, Skipp, Davies; Richarlison, Kulusevski, Kane.
(Varamenn: Austin, Sanchez, Son, Perisic, Danjuma, Porro, Tanganga, Moura, Sarr.)
West Ham: Fabianski; Kehrer, Ogbonna, Aguerd; Coufal, Soucek, Rice, Downes, Emerson; Antonio, Bowen.
(Varamenn: Areola, Johnson, Cresswell, Scamacca, Fornals, Lanzini, Ings, Benrahma, Casey.)