David De Gea, markvörður Manchester United, átti frábæran leik í dag þegar liðið vann 3-0 sigur á Leicester City í ensku úrvalsdeildinni.
Spánverjinn bjargaði United snemma í leiknum en Leicester byrjaði leikinn miklu betur og fékk nokkur dauðafæri. De Gea setti hins vegar í lás og hélt markinu hreinu í dag.
Þetta var í 180 skiptið sem De Gea heldur hreinu í treyju Manchester United en hann gekk í raðir liðsins árið 2011. Hann hefur nú jafnað met Peter Schmeichel sem hélt jafn oft hreinu á sínum ferli hjá United.
Alex Stepney er í þriðja sætinu með 174 skipti og Gary Bailey í því fjórða með 161 skipti.
Nú er einungis tímaspursmál hvenær De Gea slær þetta met en hann er í viðræðum við Man Utd um nýjan samning. Hann verður samningslaus í sumar.
???? RECORD EQUALLED ????@D_DeGea x @PSchmeichel1 #MUFC pic.twitter.com/Eovv12vfOa
— Manchester United (@ManUtd) February 19, 2023