Nú er í gangi leikur Manchester United og Leicester City í ensku úrvalsdeildinni en staðan er 1-0 fyrir United í hálfleik.
Gestirnir frá Leicester byrjuðu miklu betur og lá mark í loftinu frá þeim. Harvey Barnes komst einn í gegn á móti De Gea en Spánverjinn varði frábærlega frá honum.
Stuttu síðar átti Kelechi Iheanacho góðan skalla sem De Gea varði stórkostlega.
Það var þvert gegn gangi leiksins á 25. mínútu leiksins sem Marcus Rashford skoraði eftir sendingu frá Bruno Fernandes. Hinn sjóðheiti Rashford er ekkert að slaka á en hann þrumaði boltanum í fjærhornið.
Eftir þetta mark vöknuðu heimamenn aðeins og hafa verið að spila betur heldur en þeir gerðu fram að markinu hjá Rashford.
Líf og fjör á Old Trafford en með sigri getur United minnkað bilið á Man City sem situr í öðru sætinu.
Sjáðu markið hjá Rashford hér.
