Sænski bikarinn er farinn af stað en hann byrjar á riðlakeppni en liðunum er skipt í átta fjögurra liða riðla og efsta liðið fer áfram í 8-liða úrslit.
Norrköping heimsótti GAIS en Arnór Ingvi Traustason, Ari Freyr Skúlason og Arnór Sigurðsson voru í byrjunarliðinu á meðan Andri Guðjohnsen sat allan tíman á bekknum.
Arnór Ingvi tryggði Norrköping sigur með eina marki leiksins undir lok fyrri hálfleiks.
Kalmar og Trelleborg mættust í markaleik. Davíð Kristján Ólafsson var í byrjunarliði Kalmar og Böðvar Böðvarsson var í byrjunarliði Trelleborg.
Kalmar var 2-1 yfir í hálfleik og þriðja mark liðsins kom eftir tæpan klukkutíma. Trelleborg náði að klóra í bakkann en nær komust þeir ekki, 3-2 sigur Kalmar niðurstaðan.
Óli Valur Ómarsson og Aron Bjarnason voru ekki með þegar Sirius vann 4-1 sigur á Oskarshamn.