Manchester City missteig sig í titilbaráttunni í gær en liðið gerði 1-1 jafntefli gegn Nottingham Forest á útivelli.
Gestirnir voru betra liðið í gær en það dugði ekki til því Chris Wood jafnaði metin seint í leiknum með marki af stuttu færi. Fyrr um daginn vann Arsenal sigur á Aston Villa og tók því toppsætið af Man City.
Erling Haaland náði ekki að skora í gær en hann klúðraði algjöru dauðafæri á 67. mínútu leiksins en mark þar hefði farið langleiðina með sigurinn hjá City.
Phil Foden átti skot sem Keylor Navas varði út í teiginn og þar var Norðmaðurinn mættur og setti boltann í slánna. Hann náði frákastinu sjálfur og var kominn inn í markteiginn í algjöru dauðafæri en á einhvern ótrúlegan hátt setti hann boltann yfir markið.
Þetta átti heldur betur eftir að koma í bakið á liðinu en eins og áður segir þá skoraði Wood jöfnunarmarkið og tryggði nýliðunum frábært stig.
Sjáður færin hjá Haaland hérna.
