Mynd: Getty Images

Eftir jafntefli Bayern Munchen í gær gat Dortmund jafnað erkifjendur sína að stigum með sigri.

Karim Adeyemi og Donyell Malen sáu til þess að liðið var með 2-0 forystu í hálfleik. Hertha minnkaði muninn strax í upphafi síðari hálfleiks en Marco Reus og Julian Brandt skoruðu sitt markið hvor til að tryggja Dortmund sigurinn.

Bayern er áfram á toppnum en Dortmund og Union Berlin fylgja þar á eftir, öll liðin eru með 43 stig.

Mainz komst upp fyrir Bayer Leverkusen í kvöld þegar liðin mættust. Leverkusen fékk klikkaði á vítaspyrnu eftir rúmlega 20 mínútna leik en örfáum mínútum síðar náði Anthony Caci að refsa og koma Mainz yfir.

Liðin skiptust á að hafa forystu í leiknum en á 82. mínútu fékk Mainz vítaspyrnu þegar Amine Adli reif Silvan Widmer niður í teignum.Adli var rekinn af velli og Marcus Ingvartsen skoraði úr vítinu og tryggði Mainz 3-2 sigur.

Borussia D. 4 - 1 Hertha
1-0 Karim Adeyemi ('27 )
2-0 Donyell Malen ('31 )
2-1 Lucas Tousart ('46 )
3-1 Marco Reus ('76 )
4-1 Julian Brandt ('90 )

Bayer 2 - 3 Mainz
0-0 Edmond Tapsoba ('23 , Misnotað víti)
0-1 Anthony Caci ('26 )
1-1 Nadiem Amiri ('32 )
1-2 Leandro Martins ('45 )
2-2 Patrik Schick ('58 )
2-3 Marcus Ingvartsen ('82 , víti)