Mynd: EPA

Tottenham getur komist upp í 4. sæti deildarinnar með sigri og West Ham er komið í fallsæti eftir úrslit gærdagsins.

Það kom upp vafasamt atvik þegar Thilo Kehrer fékk boltann í höndina í teignum.

Richarlison reyndi að koma boltanum á Harry Kane sem var í góðu færi en Kehrer slengdi höndinni í boltann. Leikmenn Tottenham vildu fá vítaspyrnu og Michael Oliver dómari stöðvaði leikinn til að VAR gæti skoðað atvikið en að lokum var ekkert dæmt.

West Ham átti þátt í svipuðu atviki um síðustu helgi þegar Thomas Soucek fékk boltann í hendina og kom í veg fyrir mögulegt mark hjá Chelsea í jafntefli liðanna.