Ef Peter Schmeichel væri yfir leikmannakaupum hjá Manchester United þá myndi hann taka upp símann, hringja til Tottenham og spyrja um Son Heung-min.
Schmeichel, sem er fyrrum markvörður Manchester United, svaraði spurningum aðdáenda sinna á Twitter í gær.
Hann var spurður út í það hvaða leikmann hann væri til í að sjá Man Utd kaupa. Var hann beðinn um að hafa svar sitt raunhæft.
Schmeichel svaraði: „Son frá Tottenham."
Hinn 27 ára gamli Son er lykilmaður fyrir Tottenham og hefur verið það frá því hann kom frá Bayer Leverkusen. Á þessari leiktíð hefur hann skorað 16 mörk í 32 keppnisleikjum, en nýlega lauk hann herþjálfun í Suður-Kóreu.
Athugasemdir
