Þýski miðjumaðurinn Sami Khedira vonast til að geta spilað í ensku úrvalsdeildinni í framtíðinni. Khedira er ekki í myndinni hjá Andrea Pirlo, þjálfara Juventus, og er líklega á förum.
„Þegar ég var barn þá var alltaf draumur minn að verða leikmaður í ensku úrvalsdeildinni. Ég er mjög ánægður með ferilinn hingað til en það er eitt sem vantar til að uppfylla drauminn...að vera í ensku úrvalsdeildinni," sagði hinn 33 ára gamli Khedira.
„Ég hef horft á marga leiki í ensku úrvalsdeildinni síðan ég var ungur og ég fylgist mikið með henni í dag."
„Ég hef alltaf notið þess að spila gegn enskum félögum í Meistaradeildinni. Andrúmsloftið, leikstílinn og hugmyndafræðin hefur alltaf hrifið mig."
„Ef þessi stóri draumur myndi rætast þá yrði heiður að vera hluti af ensku úrvalsdeildinni."
Athugasemdir
