Ítalskir saksóknarar hafa farið fram á að Robinho, fyrrum sóknarmaður AC Milan, Manchester City og Real Madrid, muni afplána níu ára fangelsisdóm sinn í heimalandinu Brasilíu.
Robinho var dæmdur í níu ára fangelsi árið 2017 fyrir nauðgun en atvikið átti sér stað í Mílanó árið 2013.
Robinho var dæmdur í níu ára fangelsi árið 2017 fyrir nauðgun en atvikið átti sér stað í Mílanó árið 2013.
Fjölmiðlar í Brasilíu fjalla um málið og brasilíska utanríkisráðuneytið staðfestir að beiðni hafi borist.
Robinho, sem heitir fullu nafni Robson de Souza, býr í Brasilíu og hefur alltaf neitað sök. Dómsmálaráðuneyti Ítalíu hafði í síðustu viku gefið út alþjóðlega handtökuskipun eftir að æðsti dómstóll landsins staðfesti sakfellingu hans fyrir nauðgun.
En Brasilía framselur ekki ríkisborgara sína, sem myndi þýða að Robinho yrði aðeins handtekinn ef hann ferðaðist erlendis.
Robinho og fimm aðrir Brasilíumenn eru dæmdir fyrir hópnauðgun. Sakfellingin var staðfest af áfrýjunardómstóli árið 2020 og staðfest af hæstarétti Ítalíu í síðasta mánuði.
Athugasemdir