Atletico Madrid tryggði sér mikilvægan sigur gegn Athletic Bilbao í gær en Antoine Griezmann skoraði eina mark leiksins. Atletico Madrid er í fjórða sæti, Meistaradeildarsæti, og viðheldur fimm stiga forskoti á Real Betis sem er í fimmta sæti.

Sá hluti stuðningsmanna Atletico sem lætur mest í sér heyra á Metropolitano leikvangnum stendur í mótmælum gegn eigendum félagsins, sérstaklega Miguel Angel Gil Marin og fjölskyldu.

Mótmælin ganga út á að stuðningsmennirnir eru þöglir í gegnum leikinn og syngja aðeins til stuðnings Diego Simeone, stjóra liðsins. Þetta hefur skapað furðulegt andrúmsloft og oft ríkir þögnin á heimaleikjum Atletico.