mán 20. febrúar 2023 06:00
Jóhann Þór Hólmgrímsson
Osimhen fljótari en Messi og Ronaldo í hundrað mörk
Mynd: Getty Images

Victor Osimhen framherji Napoli hefur verið stórkostlegur fyrir liðið að undanförnu en hann hefur skorað 18 mörk í 19 deildarleikjum á þessari leiktíð.


Hann skoraði hundraðasta markið sitt á ferlinum með félagsliðum og landsliðum þegar hann skoraði annað af mörkum liðsins í sigri á Sassuolo.

Þessi 24 ára gamli Nígeríumaður hóf feril sinn hjá Wolfsburg í Þýskalandi árið 2017 en hann skoraði ekki eitt einasta mark í 16 leikjum þar.

Hann var lánaður til Charleroi í Belgíu þar sem hann skorað 20 mörk í 36 leikjum. Svo var hann keyptur til Lille þar sem hann skoraði 18 mörk á einu tímabili áður en hann hélt til Napoli þar sem hann hefur skorað 47 mörk.

Frá 2019 hefur hann skorað 15 mörk í 22 leikjum.


Athugasemdir
banner
banner
banner