Critchley, sem var áður aðstoðarstjóri Steven Gerrard hjá Aston Villa, stýrði liðinu í 12 leikjum og vann aðeins einn þeirra. Þegar hann tók við liðinu var það að keppast um umspilssæti en er komið í bullandi fallbaráttu í dag.

Guardian segir frá því að efsti maður á lista QPR sé Gareth Ainsworth, núverandi stjóri Wycombe.

Ainsworth, sem er mikill rokkari, hefur stýrt Wycombe í ellefu ár en aðeins stjóri hefur stýrt liði lengur en hann í efstu fjórum deildum Englands. Það er Simon Weaver sem hefur stýrt Harrogate Town frá 2009.

Núna er möguleiki á því að Ainsworth muni yfirgefa Wycombe - þar sem hann hefur gert stórgóða hluti - og taki við QPR en hann hefur fengið leyfi til að ræða við félagið. Hann spilaði á sínum leikmannaferli með QPR og er sagður spenntur fyrir þeirri áskorun að stýra liðinu.