Íslenska landsliðskonan hefur fengið að bera fyrirliðabandið í byrjun leiktíðar en hún er ein af þremur sem eru saman í leiðtogahópi og munu deila hlutverkinu á þessari leiktíð.

Hún spilaði allan leikinn í vörn Bayern í kvöld er liðið vann Sociedad, 1-0, í fyrri leik liðanna í forkeppni Meistaradeildarinnar og er liðið nú aðeins einum leik frá því að tryggja sig inn í riðlakeppnina. Lea Schüller gerði eina mark leiksins.

Bayern komst í 8-liða úrslit á síðasta ári en beið lægri hlut fyrir Paris Saint-Germain.

Glódís er á öðru tímabili sínu með Bayern en hún kom frá sænska félaginu Rosengård á síðasta ári.