Jamie Carragher, fyrrum varnarmaður Liverpool, vill að félagið kaupi Dayot Upamecano, varnarmann RB Leipzig, í janúar til að fylla skarð Virgil van Dijk sem spilar líklega ekki meira á tímabilinu vegna meiðsla.

Liverpool seldi Dejan Lovren í sumar og því eru Joe Gomez og Joel Matip einu miðverðirnir í hópnum í dag.

„Það er ungur maður hjá Leipzig sem allir eru að tala um, Dayot Upamecano. Hvort hann sé jafn öflugur og Van Dijk, hann er bara 185-187 cm svo hann er kannski ekki jafn öflugur í loftinu en ef þeir vilja hann þá á að vaða í það," sagði Carragher.

„Borgið aukalega og geri það þann 1. janúar. Það þýðir að liðið þyrfti að komast í gegnum 11 deildarleiki fram að því án Virgil van Dijk."

„Ég vil líka segja eitt um Virgil van Dijk og það er að í síðustu 23 leikjum hefur liðið einungis haldið fimm sinnum hreinu og Van Dijk spilaði alla þessa leiki. Það er ekki eins og allt hafi verið fullkomið. Við sáum sjö mörk gegn Aston Villa og við sáum Leeds leikinn. Ég held að það þurfi að kaupa sterkan leikmann."

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit