| þri 20. október 2020 19:08 |
|
Petr Cech í úrvalsdeildarhóp Chelsea
Petr Cech og Frank Lampard, stjóri Chelsea.
Hvert félag má velja 25 leikmenn sem eru eldri 21 árs, og þar af þurfa átta þeirra að vera uppaldir hjá félagi í Englandi.
Chelsea er búið að skila sínum hóp og það sem er athyglisverðast er að Petr Cech er í hópnum. Cech lagði hanskana á hilluna í fyrra en í kjölfarið var hann ráðinn sem tæknilegur ráðgjafi hjá Chelsea.
„Petr Cech er tekinn inn í hópinn sem neyðarmarkvörður. Þetta er varúðarskref vegna fordæmalausra aðstæðna sem nú stafa vegna Covid-19," segir í tilkynningu Chelsea.
Það eru þrír aðrir markverðir í leikmannahópi Chelsea, Edouard Mendy, Kepa Arrizabalaga og Willy Caballero.
Cech er 38 ára gamall.
Athugasemdir
Nýjustu fréttirnar
16:00
