Þýski sóknarmaðurinn Karim Adeyemi, sem gerði eina mark leiksins í 1-0 sigri Borussia Dortmund gegn Chelsea í fyrri leik liðanna í 16-liða úrslitum Meistaradeildarinnar, verður frá keppni í þrjár vikur.
Adeyemi var í byrjunarliði Dortmund gegn Hertha Berlin um helgina og tókst bæði að skora og leggja upp áður en hann þurfti að fara meiddur af velli á 35. mínútu.
Meiðslin eru ekki alvarleg þar sem um vöðvameiðsli er að ræða en ungstirnið missir þó af gríðarlega mikilvægum leikjum næstu vikurnar. Dortmund á erfiða deildarleiki við Hoffenheim og RB Leipzig framundan áður en liðið kíkir í heimsókn til Chelsea þarnæsta þriðjudag.
Þetta eru slæmar fréttir fyrir Dortmund sem vonast til að Sebastien Haller geti leyst hinn öfluga Adeyemi af hólmi.
Adeyemi fällt für die nächsten Spiele aus
— Borussia Dortmund (@BVB) February 20, 2023
Karim #Adeyemi hat sich im Spiel #BVBBSC einen Muskelfaserriss zugezogen. Er wird seiner Mannschaft ca. drei Wochen lang nicht zur Verfügung stehen.
Gute Besserung, @karim_adeyemi! ???? pic.twitter.com/Vpc1OXgQQP