Íslenska kvennalandsliðið keppir lokaleikinn á Pinatar Cup æfingamótinu, sem haldið er í Murcia á Spáni, í kvöld.
Stelpurnar okkar eiga góða möguleika á að vinna mótið þar sem þær deila toppsætinu með Wales. Bæði lið eiga fjögur stig eftir tvær umferðir en Wales á eftir að spila við Skotland, sem á þrjú stig, í lokaumferðinni.
Á sama tíma getur U19 landslið kvenna unnið æfingamót í Portúgal. Stelpurnar eru þar með fullt hús stiga, eftir sigra gegn Póllandi og heimakonum í Portúgal, fyrir lokaleikinn gegn Wales.
Íslenska undirbúningstímabilið er þá í fullu fjöri og eru þrír leikir á dagskrá. Tveir þeirra eru í A-deild karla í Lengjubikarnum þar sem Leiknir R. tekur á móti Íslandsmeisturum Breiðabliks áður en Grótta fær Stjörnuna í heimsókn á Seltjarnarnes.
Lokaleikur kvöldsins er í C-deild Lengjubikarsins þar sem Hafnir spila við KH.
Landslið kvenna - Pinatar Cup
14:00 Skotland-Wales (Pinatar Arena)
19:30 Filippseyjar-Ísland (Pinatar Arena)
Æfingaleikur kvenna - U19
14:00 Ísland U19 - Wales U19
Lengjubikar karla - A-deild, riðill 2
17:00 Leiknir R.-Breiðablik (Domusnovavöllurinn)
Lengjubikar karla - A-deild, riðill 3
19:15 Grótta-Stjarnan (Vivaldivöllurinn)
Lengjubikar karla - C-deild, riðill 2
20:00 Hafnir-KH (Nettóhöllin-gervigras)