Joseph Fiennes leikur Southgate.
Joseph Fiennes mun leika Gareth Southgate, landsliðsþjálfara Englands, í nýrri sýningu breska þjóðleikhússins en þráðurinn í sýningunni verður pressan sem fylgir því að taka vítaspyrnur.
Sýningin fjallar um vegferð Southgate frá því að hann klúðraði vítaspyrnu sem leikmaður enska landsliðsins á EM 1996 og til dagsins í dag.
Sýningin fjallar um vegferð Southgate frá því að hann klúðraði vítaspyrnu sem leikmaður enska landsliðsins á EM 1996 og til dagsins í dag.
'Kæra England' eða 'Dear England' heitir sýningin og er skrifuð af James Graham. Heiti verksins er tilvísun í opið bréf sem Southgate skrifaði til enskra stuðningsmanna 2021.
Graham segir að sýningin muni snerta á 'draugum og djöflum' fortíðarinnar og meðal þess sem við sögu kemur eru kynþáttafordómar sem leikmenn urðu fyrir þegar þeir klúðruðu vítum í úrslitaleik EM alls staðar.
Fiennes, sem leikur Southgate, er þekktastur fyrir hlutverk sín í Óskarsverðlaunamyndinni Shakespeare in Love og í sjónvarpsþáttunum The Handmaid's Tale.
Ekki hefur verið ákveðið hverjir leika Marcus Rashford og Harry Kane en þeir koma við sögu í verkinu. Sýningar eiga að hefjast í London í júní í sumar.
Gareth Southgate í viðtali.
Athugasemdir
