Liverpool steinlá gegn Real Madrid í Meistaradeild Evrópu fyrr í kvöld þar sem gestirnir frá Madríd nýttu nánast öll færin sem þeir fengu í leiknum.
Liverpool komst í tveggja marka forystu en Real vann leikinn 2-5 eftir skemmtilega flugeldasýningu.
Það vekur athygli að tölfræðin úr leiknum er gríðarlega jöfn og ef xG er skoðað kemur í ljós að Liverpool hefði haft betur ef leikurinn hefði farið fram í reiknivél.
Liverpool, sem komst nokkrum sinnum nálægt því að bæta öðru marki við leikinn, var með 2,01 í xG á móti 1,66 hjá Real Madrid.
Þá var Liverpool 51,6% með boltann og áttu bæði lið 9 marktilraunir.
Hvað er xG?
Á ensku er það stytting á expected goals, eða áætluð mörk.
Tölfræðin segir til um hversu mörg mörk lið ættu að skora miðað við fengin færi.