Liverpool komst í tveggja marka forystu á fyrsta stundarfjórðunginum í stórleik kvöldsins gegn Real Madrid. Gestirnir frá Madríd svöruðu þó fyrir sig og var staðan 2-2 í leikhlé.
Madrídingar tóku Liverpool í kennslustund í síðari hálfleik. Þeir gáfu ekki mikið af færum á sér og nýttu þau færi sem gáfust.
Eder Militao skoraði strax í upphafi síðari hálfleiks með skalla eftir góða fyrirgjöf úr aukaspyrnu Luka Modric.
Karim Benzema gerði næsta mark með skoti utan teigs sem hafði viðkomu í Joe Gomez og breytti um stefnu. Alisson var búinn að skutla sér og kom engum vörnum við.
Benzema var svo aftur á ferðinni til að innsigla sigurinn á 67. mínútu eftir góða skyndisókn. Benzema gerði vel að halda rónni fyrir framan markið og skoraði með laglegu skoti í samskeytin.
Nú eru nokkrar mínútur eftir af venjulegum leiktíma og er staðan 2-5 fyrir Real Madrid.
Sjáðu skallamark Eder Militao
Sjáðu skotið sem fór af Gomez
Sjáðu stáltaugar Karim Benzema fyrir framan markið
