Fótbolti.net

Stefán Þór: Ofboðslega skrýtinn leikur

Jóhann Birnir ekki rólegur fyrr en á 92. mínútu

Nenad: Svo í seinni hálfleik var það köld sturta

Maggi: Versta varnarframmistaða sem ég hef séð í mörg ár

Freyja Stefáns: Gott að vera strax búin að stimpla sig inn

Einar Guðna: Væri örugglega vælandi yfir þessu ef við hefðum ekki unnið

Skoraði í sínum 100. leik - „Við hefðum átt að vera löngu búnar að klára þetta“

„Óli Jó sagði það allaveganna alltaf, erfitt að byrja á nýliðum"

Óskar Smári: Þessi leikur frábært sýnisdæmi fyrir þessa deild

„Mjög jákvætt að fá Bryndísi inn“

„Það hefði verið ótrúlega gott að hafa hana“

Uppbótartíminn - Gummi, Maggi Hödd, Snæbjört og Arnar Páll rýna í liðin

Valdimar framlengir í Njarðvík (Staðfest)

Sterkastur í 3. umferð - Ætla rétt að vona það

Jói Kalli: Klárt að það er eitthvað sem við erum að gera rangt

Adam Páls: Var bara kominn tími á að borga til baka

„Kemur að leiknum sem við fáum á okkur minna en tvö mörk“

Sölvi hefur engar áhyggjur af sektum vegna blysa - „Voru einhverjir Blikar í Kópavoginum“

Samúel Kári: Á endanum verður maður líka að hugsa um sjálfan sig

Hemmi hæstánægður með stórsigurinn „Það mega allir halda áfram að blaðra og bulla"

þri 21. mars 2023 15:10

Sæbjörn Þór Þórbergsson Steinke

Vildi breyta til og skora á sjálfan sig - „Fannst þetta rétt skref"

Jón Dagur á æfingunni í dag.

Mynd: Fótbolti.net - Hafliði Breiðfjörð

'Ég er kominn almennilega inn í hlutina, tók smá tíma að venjast öllu'

Mynd: Fótbolti.net - Hafliði Breiðfjörð

Jón Dagur Þorsteinsson er í landsliðshópnum sem undirbýr sig fyrir leikinn gegn Bosníu-Hersegóvínu í undankeppni EM. Leikurinn fer fram í Senica í Bosníu en íslenska liðið undirbýr sig í München í Þýskalandi.

Jón Dagur ræddi við Fótbolta.net í dag. „Við erum að fara í hörkuleik og ég er bara virkilega vel stemmdur."

„Þetta er fyrsti leikurinn í undankeppninni og bæði lið koma væntanlega virkilega vel stemmd í leikinn. Vonandi náum við góðum úrslitum og góðri frammistöðu."

Jón Dagur metur möguleikana virkilega góða í riðlinum. „Við ætlum okkur að gera góða hluti í þessum riðli, öll liðin vilja örugglega komast áfram á EM og við erum eitt af því."

Bosnía-Hersegóvína var í drættinum í öðrum styrkleikaflokki og íslenska liðið var í þeim þriðja. Er fínt að byrja á lykilleik í riðlinum? „Lykilleikur og ekki lykilleikur. Þetta er bara fyrsti leikur og ennþá níu leikir eftir þegar þessi leikur er búinn. Auðvitað viljum við byrja sem best en þetta er ekkert búið ef það fer eitthvað illa."

Jón Dagur er leikmaður Leuven í Belgíu. Hann gekk í raðir félagsins síðasta sumar frá AGF í Danmörku þar sem hann hafði spilað í þrjú ár.

„Það er búið að vera stígandi í þessu hjá mér, kannski kominn í aðeins stærra hlutverk en ég var í á tímabili. Ég er kominn almennilega inn í hlutina, tók smá tíma að venjast öllu. Ég er virkilega jákvæður á framhaldið og þetta er heilt yfir búið að vera fínt tímabil."

„Liðið er kannski ekki alveg á þeim stað sem við viljum vera. Markmiðið var topp átta og við erum fjórum stigum frá því og fjórir leikir eftir. Það eru vonbrigði."

„Við vorum í leik við Anderlecht sem er að berjast um það sama og það voru vonbrigði að tapa þeim leik."

Hann vildi breyta til eftir fjögur ár í Danmörku. „Það var kominn tími til að prófa eitthvað annað og leist vel á deildina, liðið og klúbbinn, fannst þetta vera rétt skref einhvern veginn."

„Fyrir tímabilið hefði ég viljað spila í úrslitakeppninni og vonandi gengur það eftir - þótt líkurnar séu ekki með okkur. Það var markmiðið hjá mér og liðinu. Klúbburinn er flottur og allt tipp-topp."

„Það var kominn tími til að skora á sjálfan sig, var kominn í smá þægindaramma í Danmörku og vildi komast í annað umhverfi," sagði Jón Dagur að lokum.