Arnór Ingvi Traustason.
„Við vöknum þegar þeir skora 1-0 markið. Við skorum tvö fljót mörk sem breyta leiknum," sagði Arnór Ingvi Traustason eftir 4-1 sigur gegn Ísrael í kvöld.
Strákarnir okkar munu á þriðjudaginn spila úrslitaleik við Úkraínu um sæti á Evrópumótinu eftir þennan frábæra sigur.
Strákarnir okkar munu á þriðjudaginn spila úrslitaleik við Úkraínu um sæti á Evrópumótinu eftir þennan frábæra sigur.
Lestu um leikinn: Ísrael 1 - 4 Ísland
Arnór Ingvi gerði virkilega flott mark og sá hann til þess að Ísland fór með forystuna inn í hálfleikinn. Arnór segir að staðan sé vonandi góð á sér eftir leikinn.
„Ég fékk aðeins aftan í lærið en ég er vonandi góður, og vonandi ekki tognaður. Við ætlum að skoða þetta betur upp á hóteli."
Arnór hefur reynslu af því að spila á stórmóti og vonast hann til að gera það aftur í sumar.
„Ójá, ég er meira en klár," sagði Arnór.
