Fulltrúar frönsku deildarinnar tilkynntu á dögunum að tímabilið yrði ekki klárað og þýddi það að Mónakó fer ekki í Evrópukeppni annað árið í röð.

Félagið gerir ráð fyrir miklu tapi í rekstri og er stefnan því að selja allt að 30 leikmenn frá félaginu í sumar.

Talið er að félagið vilji fá allt að 50 milljónir evra í vasann í sumar en margir öflugir leikmenn eru eftirsóttir og má þar nefna þá Benoit Badiashile, Wissam Ben Yedder, Benjamin Heinrichs, Youssouf Fofana og Fodé Ballo-Touré.

Margir lekmenn eru á láni hjá öðrum félögum og er búist við því að 60 leikmenn eigi að mæta til æfinga á fyrsta degi undirbúningstímabilsins.