Birnir Snær Ingason, leikmaður Víkings, sneri aftur á gamla heimavöll í kvöld er Víkingar unnu HK, 2-1, í Bestu deildinni.
„Þetta er bara geggjað. Þetta var mjög erfiður leikur. Mér fannst við töluvert betri í fyrri hálfleik og áttum að vera meira yfir en 1-0. Ég veit ekki hvað gerist í seinni hálfleik en hann var helvíti erfiður. Það var gott að loka þessu," sagði Birnir.
„Þetta er bara geggjað. Þetta var mjög erfiður leikur. Mér fannst við töluvert betri í fyrri hálfleik og áttum að vera meira yfir en 1-0. Ég veit ekki hvað gerist í seinni hálfleik en hann var helvíti erfiður. Það var gott að loka þessu," sagði Birnir.
Lestu um leikinn: HK 1 - 2 Víkingur R.
Birnir var mjög líflegur í fyrri hálfleiknum sérstaklega og það var ljóst að hann ætlaði sér að skora.
„Ég ætla að skora í hverjum leik. Það var kraftur í mér í fyrri hálfleik. Það hefði verið gaman að skora," sagði Birnir og bætti við:
„Ég elska að vera hérna í Kórnum. Menn fagna því ekki að spila hérna inni en ég dýrka að vera hérna inni. Ég væri til í að fá fleiri leiki hérna. Það er ekkert sem ég þoli minna en eitthvað rok og djöfulsins þvæla úti. Það er alltaf logn hérna."
Honum finnst mikið til HK koma. „Þeir eru seigir. Þeir eru með Örvar upp á topp sem stekkur ekki, hann flýgur. Hann getur hlaupið endalaust og þeir voru mjög duglegir þarna frammi. Það er erfitt að eiga við þá en geggjað að vinna."
Víkingar eru búnir að vinna fyrstu átta leikina og Birnir hefur spilað mjög vel. „Maður hefði ekki trúað þessu fyrir mót en það er að koma erfið törn hjá okkur núna. Ástæðan fyrir því að mér hefur gengið vel er hausinn, sjálfstraustið. Ég er að finna mjög vel núna á þessu tímabil. Síðasta tímabil var lærdómur. Mér finnst ég vera kominn inn í þetta og ég er með miklu meira sjálfstraust. Við erum geggjað lið og erum góðir á öllum svæðum," sagði Birnir en hægt er að sjá allt viðtalið hér að ofan.
Athugasemdir