Jón Þór Hauksson þjálfari ÍA var svekktur að hafa ekki náð sigri í kvöld á heimavelli gegn FH. Liðin skildu jöfn eftir baráttuleik þar sem veðrið kom í veg fyrir að fallegur fótbolti yrði spilaður.
Lestu um leikinn: ÍA 1 - 1 FH
„Ég hefði auðvitað viljað sigur, en hann náði aldrei neinu flugi þessu leikur og það var erfitt. Það var svo sem vitað mál að veðrið og vallaraðstæður myndu gera leikmönnum erfitt að ná upp einhverjum takti eða einhverjum glæsilegum fótbolta. En auðvitað viltu alltaf sigur úr því hvernig staðan er í seinni hálfleik, við erum komnir yfir og ég er svekktur að við skildum fá á okkur mark úr hornspyrnu það er eitthvað sem við eigum að gera betur. Þannig það er svekkjandi að því leiti en ég held að hvorugt lið getur kvartað undan því að fara héðan með stig en það er niðurstaðan allavega."
ÍA hefur náð í 2 stig úr 2 leikjum eftir landsleikjahlé og frammistaðan verið betri en fyrir.
„Þetta er eitthvað sem við verðum að byggja á. Það styttist í sigurinn og búnir að vera í fínni stöðu í þeim báðum en fá 2 jafntefli út úr því og það er margt gott í frammistöðunni og margt sem við höldum áfram að byggja ofan á. Við erum bara bjartsýnir á framhaldið, það styttist í sigurinn það er ekki spurning."
Viðtalið má sjá í heild sinni í spilaranum hér fyrir ofan en þar talar Jón meira um aðstöðu vallarins og rauða spjaldið.