Miðvörðurinn Guðmundur Þór Júlíusson tók við fyrirliðabandinu hjá HK í leiknum gegn Stjörnunni í gær þegar Leifur Andri Leifsson þurfti að fara af velli.
Birkir Valur Jónsson færði sig þá úr hægri bakverðinum og í miðvörðinn við hlið Guðmundar. Valgeir Valgeirsson, sem síðar skoraði svo eina mark leiksins, fór í hægri bakvörðinn og Örvar Eggertsson, sem var settur inn á fyrir Leif, fór á kantinn.
Birkir Valur Jónsson færði sig þá úr hægri bakverðinum og í miðvörðinn við hlið Guðmundar. Valgeir Valgeirsson, sem síðar skoraði svo eina mark leiksins, fór í hægri bakvörðinn og Örvar Eggertsson, sem var settur inn á fyrir Leif, fór á kantinn.
Lestu um leikinn: HK 1 - 0 Stjarnan
Guðmundur var til viðtals eftir leikinn í gær og var spurður út í Birki og miðverðina. Martin Rauschenberg mátti ekki spila leikinn þar sem hann er á láni frá Stjörnunni.
Þú og Birkir náið að standa af ykkur smá hasar í lokin.
„Einmitt, Birkir var að byrja í meistaraflokki þegar ég kom í HK árið 2014. Hann er annað hvort búinn að spila í hægri bakverðinum með mig í miðverðinum eða í hafsentinum við hliðina á mér," sagði Guðmundur.
„Þetta er eins og litli bróðir minn, maður er búinn að spila með honum allan minn tíma í HK. Hann er frábær leikmaður og það sást, hann getur hent sér í öll kvikyndalíki. Fyrst og fremst er hann frábær varnarmaður."
„Ég reikna með að Rauschenberg komi inn í næsta leik, hann er frábær leikmaður einnig, við vitum hversu sterkur hann er. Fyrir okkur fjóra sem spiluðu í vörninni snýst þetta um að halda hreinu og sækja og skora mörk, það er það eina sem skiptir máli," sagði Guðmundur.
HK er í 10. sæti deildarinnar og mætir Breiðablik í lokaumferðinni. Breiðablik þarf á sigri að halda til að eiga möguleika á að halda sæti sínu í deildinni. HK er tveimur stigum fyrir ofan ÍA og einu stigi á eftir Keflavík fyrir lokaumferðina en öll þrjú liðin geta endað í fallsæti.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir