Það styttist í endurkomu hjá franska miðjumanninum N'Golo Kante sem hefur verið fjarverandi að undanförnu vegna meiðsla. Hann æfði með leikmannahópi Chelsea í gær og gæti verið í leikmannahópi liðsins sem heimsækir Tottenham um næstu helgi.
Hinn 31 árs gamli Kante hefur verið að glíma við mikið af meiðslum á leiktíðinni og er aðeins búinn að spila tvo úrvalsdeildarleiki. Þessi öflugi miðjumaður rennur út á samningi næsta sumar og gæti þá skipt um félag á frjálsri sölu.
Hann getur þó enn unnið sér inn nýjan samning hjá Chelsea ef honum tekst að halda sér heilum út tímabilið.
Kante var í nokkur ár talinn til bestu miðjumanna heims enda hefur hann unnið allt sem er mögulegt sem leikmaður Chelsea, auk þess að verða heimsmeistari með Frakklandi 2018.
N’Golo Kanté warming up with Chelsea squad before training today ???????? #CFC
— Fabrizio Romano (@FabrizioRomano) February 21, 2023
He’s expected to return in the next few weeks while new contract talks continue between parties.
???? @footballdaily pic.twitter.com/M75uTlvEl9
