Manchester United er með Marcus Rashford sjóðandi heitan og það sást vel í fyrri leiknum að Börsungar leggja mikla áherslu á að reyna að halda honum í skefjum.

Varnarmaðurinn Lisandro Martínez og miðjumaðurinn Marcel Sabitzer voru í leikbanni í fyrri leiknum en SportsMole reiknar með því að þeir komi báðir inn í byrjunarliðið núna.

Spáð er að Sabitzer og Casemiro verði saman á miðjunni.

Anthony Martial er enn á meiðslalistanum. Harry Maguire og Antony eru leikfærir en búast má við því að þeir verði á bekknum.

Hjá Barcelona er Gavi í leikbanni vegna uppsafnaðra áminninga og Pedri er fjarverandi vegna meiðsla aftan í læri, sem hann hlaut í fyrri leiknum. Með honum á meislalistanum er Ousmane Dembele.

Búist er við því að Frenkie de Jong og Franck Kessie verði á miðsvæðinu og Ansu Fati í sóknarlínunni.

Líklegt byrjunarlið Man Utd:
De Gea; Wan-Bissaka, Varane, Martínez, Shaw; Casemiro, Sabitzer; Sancho, Fernandes, Rashford; Weghorst

Líklegt byrjunarlið Barcelona:
Ter Stegen; Kounde, Araujo, Alonso, Alba; De Jong, Busquets, Kessie; Raphinha, Lewandowski, Fati