Miðjumaðurinn endaði þó á því að fara með í leikina tvo; gegn Sádí-Arabíu og Suður-Kóreu. Arnar Þór Viðarsson kallaði hann inn í hópinn þar sem Guðlaugur Victor Pálsson gat ekki verið með.

Júlíus fékk því tækifæri til að spila sinn annan og þriðja landsleik. Rúmum tveimur mánuðum síðar var hann svo seldur frá Víkingi til Fredrikstad í Noregi. Hann var spurður út í þetta í viðtali í gær.

Varstu á þeim tímapunkti við hugann við að þeir leikir gætu hjálpað þér að fara út í atvinnumennsku og því feginn að fá kallið inn í hópinn?

„Ég var klárlega mjög feginn. Ég held að hver einasti landsleikur eykur líkur á því að lið skoði þig, hafi áhuga og heyri í þér. Fredrikstad töluðu um að þeir voru ánægðir að ég hefði spilað landsleiki og kæmi með slíka reynslu inn í þetta. Ég held að sá tímapunktur hafi verið aðalmálið í þessu öllu. Ef maður hefði ekki fengið tækifæri í því verkefni þá væri maður kannski ekki á þessum stað - ég veit það ekki. Maður er klárlega sáttur með stöðuna sem kom upp þá," sagði Júlíus sem nú er kominn með fimm landsleiki.

Viðtalið má nálgast hér að neðan.