Franski miðjumaðurinn Paul Pogba er enn og aftur mættur til baka úr meiðslum og byrjaður að æfa með Juventus.
Pogba, sem er 29 ára gamall, á enn eftir að spila sinn fyrsta leik frá því hann kom á frjálsri sölu frá Manchester United síðasta sumar.
Erfið meiðsli hafa haldið honum frá keppni allt tímabilið en nokkrum sinnum hefur hann mætt aftur til æfinga og svo bakslag komið í kjölfarið.
Frakkinn birti mynd á Instagram og Twitter í dag og sást hann þar á æfingu Juventus en ítalska liðið er að vonast til þess að geti komið með kraft inn í baráttu þeirra í deildinni.
Fimmtán stig voru dregin af Juventus vegna fjársvika og er það því í eltingarleik um að ná Evrópusæti.
?????? pic.twitter.com/dKaCkl9DPq
— Paul Pogba (@paulpogba) February 22, 2023
Athugasemdir
