Uppsveitir hafa framlengt samning sinn við rúmensku markavélina George Rasvan og mun hann spila með liðinu í nýrri 4. deild í sumar.
Rasvan raðaði inn mörkum í fyrra og var hann þá markahæsti leikmaður í deildakeppni hér á landi, skoraði 41 mark í fimmtán deildarleikjum og tvö mörk í tveimur bikarleikjum.
Tímabilið á undan skoraði hann fjórtán mörk fyrir Kormák/Hvöt.
Rasvan raðaði inn mörkum í fyrra og var hann þá markahæsti leikmaður í deildakeppni hér á landi, skoraði 41 mark í fimmtán deildarleikjum og tvö mörk í tveimur bikarleikjum.
Tímabilið á undan skoraði hann fjórtán mörk fyrir Kormák/Hvöt.
„Innkoma George í liðið breytti miklu og okkur munaði svo sannarlega um mörkin. Markaskorari af guðsnáð og vinnusamur í pressu en hleypur eins og stunginn grís í 90 mínútur ef þess gerist þörf. Leikmaður sem getur tekið yfir leiki eins og hann sýndi áhorfendum í sumar," segir í tilkynningu Uppsveita.
Í tilkynningunni kemur einnig fram að Rasvan, sem er 24 ára gamall, hafi með frammistöðu sinni vakið athygli á sér og að ýmsir möguleikar í efri deildum hafi staðið honum til boða. Niðurstaðan varð samt sú að hann skrifaði undir nýjan samning.
Uppsveitir unnu C-riðilinn í fyrra en féllu út gegn Árbæ í úrslitakeppni 4. deildar.
???? pic.twitter.com/EEGbdHVSvy
— ÍBUltras (@uppsveitir) February 22, 2023
Athugasemdir