Pierpaolo Marino, stjórnandi hjá Udinese, er búinn að greina frá því að félagið hafnaði 'risatilboði' frá Everton í sóknarmanninn sinn, Beto, á lokadögum janúargluggans.
Beto er 25 ára Portúgali sem hefur verið að gera frábæra hluti með Udinese í Serie A. Hann er stór, stæðilegur og snöggur sóknarmaður sem er búinn að gera sjö mörk og gefa tvær stoðsendingar í 24 leikjum á tímabilinu. Á síðustu leiktíð skoraði hann 11 mörk í 29 leikjum með Udinese.
„Ég get staðfest að Pozzo fjölskyldan hafnaði risastóru tilboði í Beto undir lok janúar," sagði Marino í viðtali við ítalska ríkissjónvarpið.
Beto á þrjú og hálft ár eftir af samningi sínum við Udinese og er ítalska félagið tilbúið til að selja hann næsta sumar samkvæmt heimildum Fabrizio Romano.
Athugasemdir
