Van Persie, sem lék með Man Utd frá 2012 til 2015, var staddur á fréttamannafundi Erik ten Hag og fylgdist einnig með æfingu liðsins. Það var vel tekið á móti honum á æfingu en hann er greinilega vinsæll á meðal leikmannahópsins.

Van Persie er að læra af Ten Hag en hann var í viku hjá félaginu í desember síðastliðnum. Hann lagði skóna á hilluna fyrir þremur árum og hefur verið að koma sér út í þjálfun síðan þá.

Van Persie hefur verið að þjálfa í akademíunni hjá uppeldisfélagi sínu Feyenoord en hann hefur einnig nýtt tækifæri til þess að læra af Ten Hag, sem stýrir Man Utd.