„Þetta er mjög erfiður útivöllur og við höfum ekki sótt mörg stig hingað í síðustu leikjum. Það er því ógeðslega gott að ná í þessi þrjú stig hérna. Þetta eru nokkrir útivellir sem eru erfiðir og það skilar sér í lokin þegar maður tekur svona sigra," sagði Davíð Snær Jóhannsson miðjumaður FH sem skoraði sigurmarkið í 2 - 3 útisigri á ÍBV í Vestmannaeyjum í kvöld.
Lestu um leikinn: ÍBV 2 - 3 FH
„Það tók tíma að venjast grasinu," hélt Davíð áfram. „Tímabilið er á fyrstu stigum og við erum ennþá að venjast því að spila á grasi. Það tekur tíma en mér fannst við vera með góð tök á þessu í seinni hálfleik."
Þið eruð vanir vondum grasvöllum í Kaplakrika?
„Þetta var eiginlega of gott hérna," sagði Davíð að lokum.
Athugasemdir