Já mér finnst þetta slæmt tap. Að tapa heima er aldrei gott en KR voru erfiðir í dag og gáfu sig virkilega í þetta og voru með yfirhöndina svona framan af leik fannst mér. Sérstaklega í baráttu og vinnslu og við leystum það ekki nógu vel sagði svekktur Jón Sveinsson þjálfari Fram eftir 1 - 2 gegn KR í kvöld.
Lestu um leikinn: Fram 1 - 2 KR
Mér fannst megnið af seinni hálfleiknum sem við vorum með yfirhöndina og KR voru komnir alveg niður í skotgrafirnar og þeim líður svo sem ekkert illa þar. En við klárlega sköpuðum okkur færi og það kom ákefð og hlaup og barátta í okkar menn og fengum færi til að skora mörk en því miður að þá fór boltinn bara einu sinni inn og það dugði ekki til í dag.
Heilt yfir áttum við að fá eitthvað út úr þessum leik en vorum undir í baráttunni framan af, ég er alveg sammála því.
Ég tók eftir ákveðnu trendi þegar ég var að undirbúa leikinn í dag. Tvö jafntefli, tvö töp, tveir sigrar og nú tvö töp.
Já okei. Kemur í einhverjum tvennum. Ég kann ekki skýringu á því. En svona er þetta stundum, þá vonandi erum við ekki að fara að tapa næstu tveimur leikjum ef það heldur áfram þannig að við tökum því alveg.
Nánar er rætt við Jón hér að ofan
