„Fremsta línan varðist mjög vel og við hefðum átt að skora fleiri mörk. Heildarframmistaðan var góð, sömuleiðis úrslitin og það að halda hreinu. Við vörðumst ótrúlega vel."

Liverpool fer upp að hlið Tottenham á toppi ensku úrvalsdeildarinnar með þessum sigri. Sigurinn í kvöld var mjög sannfærandi þrátt fyrir meiðsli margra leikmanna.

„Ég get ekki tekið einhvern einn út, kannski frammistaða James Milner í hægri bakverði. Hann spilaði stórkostlegan leik, fyrst þar og svo á miðjunni."

„Þetta er það sem við búumst við frá okkur sjálfum. Meiðslin eru mikið áfall, en strákarnir verða að bjóða upp á lausnir. Við erum miðverði sem eru mjög ungir, ekki reynslumiklir, þið sáuð bekkinn í kvöld. Þetta er erfið staða og þegar Naby (Keita) fer af velli með vöðvameiðsli, þá veistu að vandamálin verða ekki minni."

„Strákarnir vita að þegar þeir fá að æfa með okkur, að þá hafa þeir gæðin til að gera það. Við útdeilum ekki miðum á æfingar, þú verður að komast inn á þær með hæfileikum. Þetta er erfiður skóli," sagði Klopp.