Varnarmaðurinn Ragnar Sigurðsson lagði skóna á hilluna í síðustu viku eftir glæstan feril.
Hann fór tvisvar sinnum á stórmót með íslenska landsliðinu og myndaði frábært miðvarðapar með Kára Árnasyni. Alls urðu landsleikirnir 97 talsins og landsliðsmörkin fimm.
Sem atvinnumaður lék Ragnar með Gautaborg í Svíþjóð, FC Kaupmannahöfn í Danmörku, Krasnodar, Rubin Kazan og Rostov í Rússlandi, Fulham á Englandi og Rukh Lviv í Úkraínu.
„Þetta er bara komið gott hjá mér, ég er búinn að vera frekar áhugalaus í þessu síðustu þrjú - kannski fjögur árin," sagði Ragnar í samtali við Fótbolta.net.
Í Kaupmannahöfn er Ragnar dýrkaður eftir tíma sinn hjá FCK. Félagið birti myndband eftir að það var tilkynnt að skórnir væru komnir upp á hillu hjá varnarmanninum. „Gangi þér vel í framtíðinni, Raggi. Takk fyrir allt sem þú gerðir fyrir FC Kaupmannahöfn í þínum 110 leikjum fyrir félagið," segir við myndbandið sem má sjá hér að neðan.
En helt særlig F.C. Københavner har lagt støvlerne på hylden i en alder af 35 år. Held og lykke fremover, Ragge! Og endnu engang tak for alt du gjorde for København i 110 kampe i årene 2011-2014 og 2020 🙏🏻♥️🇮🇸 #fcklive pic.twitter.com/ddTGZuQQPV
— F.C. København (@FCKobenhavn) January 22, 2022
Athugasemdir