Árni er 28 ára og uppalinn hjá Breiðabliki. Hann lék síðast fyrir Rodez í Frakklandi en sumarið 2021 lék hann með Blikum.

Áður hafði hann leikið í Úkraínu, Póllandi, Svíþjóð og Noregi. Hann hefur ekkert leikið frá því síðasta vor, þegar hann fékk sig lausan hjá Rodez.

Hann leitaði sér að félagi á Ítalíu eftir að kærasta hans, Sara Björk Gunnarsdóttir, fór til Juventus. Það gekk ekki vel fyrir hann að finna sér félag sem passaði vel þar í landi.

Zalgiris hafði gríðarlega yfirburði í litháísku deildinni í fyrra og vann með 19 stiga mun.