Geir Þorsteinsson, fyrrum formaður KSÍ, hefur verið ráðinn sem nýr framkvæmdastjóri Leiknis í Breiðholti.
Þetta kemur fram í fréttatilkynningu frá félaginu. Hann hefur störf í byrjun mars og tekur við keflinu af Stefáni Páli Magnússyni.
Þetta kemur fram í fréttatilkynningu frá félaginu. Hann hefur störf í byrjun mars og tekur við keflinu af Stefáni Páli Magnússyni.
Geir er Vesturbæingur, fæddur 1964 og uppalinn KR-ingur hvar hann gengdi stjórnarstörfum og gerðist svo framkvæmdastjóri áður en hann færði sig til KSÍ.
Í Laugardalnum átti Geir mörg farsæl ár, sem framkvæmdastjóri í 10 ár og svo formaður í framhaldinu. Síðustu tvö ár hefur Geir sinnt framkvændastjórn hjá Skagamönnum og færir sig nú upp í Breiðholtið þar sem félagið er að ganga í gegnum margvíslegar breytingar á stórafmælisári.
„Stjórn Íþróttafélagsins Leiknis þakkar Stefáni Páli Magnússyni að sjálfsögðu fyrir smaveruna og vel unnin störf síðustu ár á krefjandi tímum innan sem utan vallar. Við vonum að allt Leiknisfólk bjóði Geir Þorsteinsson velkominn til félagsins og hvetji til góðra starfa," segir í tilkynningu Leiknis.
Leiknir spilar í Lengjudeildinni í sumar eftir að hafa fallið úr Bestu deildinni á síðasta tímabili.
Athugasemdir