Evrópumeistarar Real Madrid ætla að bjóða þýska miðjumanninum Toni Kroos nýjan samning á næstu mánuðum en þetta segir Fabrizio Romano á Twitter.
Kroos er 33 ára gamall og verið á mála hjá Real Madrid frá 2014 en hann hefur unnið Meistaradeildina fjórum sinnum á tíma sínum hjá félaginu.
Þetta gæti verið hans síðasta tímabil með liðinu en hann á enn eftir að gera upp framtíð sína.
Samningur hans rennur út í sumar og viðræður ekki hafnar um framlengingu.
Romano segir að Real Madrid ætli sér að bjóða honum nýjan samning á næstu mánuðum en að þetta sé þó allt undir Kroos komið sem hefur ýjað að því að þetta gæti verið hans síðasta tímabil í boltanum.
Hann er þegar búinn að leggja landsliðsskóna á hilluna en það gerði hann fyrir tveimur árum.
Athugasemdir