Van Dijk átti erfiðan dag á skrifstofunni gegn Real Madrid í Meistaradeildinni fyrr í þessari viku. Hann hefur verið gagnrýndur harðlega fyrir frammistöðu sína.

Cascarino ræddi við The Times um Van Dijk en hann er ekki hrifinn af líkamstjáningu leikmannsins, né frammistöðu hans. Hann sé mögulega orðinn saddur hjá Liverpool.

„Líkamstjáningin minnir mig á síðasta tímabil Van Dijk hjá Southampton, þegar hann var að ýta á það að komast til Liverpool," segir Cascarino en hann gekk svo enn lengra.

Van Dijk hefur átt í basli með meiðsli og það hefur haft áhrif á hans leik. „Ég held að það sé kominn tími fyrir Liverpool að íhuga að selja hann. Van Dijk var einu sinni einn besti miðvörður í heimi, en sá leikmaður er horfinn."