Friðrik Ellert Jónsson sjúkraþjálfari íslenska liðsins og Ragnar á æfingu í morgun.
Ragnar Sigurðsson, varnarmaður íslenska landsliðsins, bíður spenntur eftir að fá að kljást við Dani í vináttuleik í Herning annað kvöld. Ragnar var í liði Íslands sem tapaði illa gegn Íslendingum á Parken árið 2007 og hann hefur beðið eftir tækifærinu til að mæta Dönum á ný.
„Maður er búinn að bíða eftir tækifærinu á að spila gegn þeim aftur. Núna erum við með betra lið og eigum betri möguleika á að vinna," sagði Ragnar.
„Maður er búinn að bíða eftir tækifærinu á að spila gegn þeim aftur. Núna erum við með betra lið og eigum betri möguleika á að vinna," sagði Ragnar.
„Það er búin að vera góð stemning eins og alltaf. Maður er í góðu formi og mér líst vel á þetta."
Ragnar segist vera orðinn mjög spenntur fyrir EM en leikirnir gegn Dönum og Grikkjum eru síðustu leikir Íslands áður en EM hópurinn verður tilkynntur.
„Maður hugsar um EM nánast á hverjum degi. Maður er að hugsa um að halda sér í formi og halda sér heilum og það kemst voðalega lítið annað að heldur en þetta."
Ragnar var í banni í síðasta leik Krasnodar í rússnesku úrvalsdeildinni en hann fékk fékk rauða spjaldið í þarsíðasta leik.
„Það var sjaldséður klaufaskapur hjá mér. Ég felldi einn þegar ég var aftasti maður. Það gera allir mistök og því miður lendir maður alltaf í þessu á einhverjum tímapunkti. Ég fékk eins leiks bann sem ég er búinn að taka út og ég verð klár í næsta leik."
Hér að oafn má sjá viðtalið í heild sinni.
Athugasemdir
