Sigrún Auður Sigurðardóttir kom Álftanesi yfir gegn sameinuðu liði Fjarðabyggðar/Hattar/Leiknis F. í 2. deild kvenna í kvöld.

Jóhanna Linda Stefánsdóttir jafnaði skömmu síðar og var staðan jöfn í leikhlé.

Stúlkurnar af Austurlandi mættu grimmar til leiks í síðari hálfleik og komust tveimur mörkum yfir á fyrsta stundarfjórðunginum.

Meira var ekki skorað og 1-3 sigur staðreynd.

Fjarðabyggð/Höttur/Leiknir F. er í öðru sæti deildarinnar en á aðeins einn leik eftir. Sindri og Grótta fylgjast fast á eftir og eiga bæði leik til góða á meðan enginn getur náð toppliði Völsungs sem er búið að vinna deildina.